تسجيلك فى المنصة أو استخدامك ليها معناه إنك قريت الشروط دى ووافقت عليها. لو مش موافق على بند منها، من فضلك ماتستخدمش المنصة.
1) مين ينفع يستخدم المنصة
المنصة موجّهة لطلبة المرحلة الإعدادية وأولياء أمورهم.
لو سنّك أقل من 18 سنة، لازم يكون التسجيل والدفع بموافقة ولى أمرك، وهو المسؤول عن أى مبالغ بتتدفع.
بيانات التسجيل لازم تكون صحيحة: الاسم والبريد ورقم الموبايل والصف الدراسى.
2) حسابك
حساب واحد لكل طالب. ممنوع تفتح أكتر من حساب لنفس الشخص.
الحساب شخصى: ممنوع تدّى بياناته لحد تانى أو تشاركه مع زمايلك، وممنوع تبيعه أو تأجّره.
أنت مسؤول عن سرية كلمة السر وعن أى نشاط بيحصل من حسابك. لو حسّيت إن حد دخل عليه، بلّغنا فوراً.
من حقنا نوقف الحساب مؤقتاً لو ظهر إنه بيتفتح من أجهزة كتير فى نفس الوقت بشكل غير طبيعى، لحد ما نتأكد.
3) المحتوى وحقوق الملكية
كل اللى على المنصة — فيديوهات وملازم واختبارات وتصميم وشعار — ملك للمنصة أو للمعلمين المتعاقدين معاها، ومحمى بقانون حماية الملكية الفكرية.
اشتراكك بيديك حق شخصى ومؤقت للمشاهدة والمذاكرة بس، ومش بيديك أى ملكية للمحتوى.
ممنوع منعاً باتاً: تسجيل الشاشة أو تصوير الدروس، أو تحميل الفيديوهات بأى أداة، أو إعادة نشر أى جزء من المحتوى على أى منصة أو جروب أو قناة، أو بيعه أو توزيعه.
أى مخالفة للبند ده = إيقاف فورى للحساب من غير استرجاع للمبلغ، مع حقنا فى اتخاذ الإجراءات القانونية.
4) الاشتراك والدفع
كل الأسعار بالجنيه المصرى (EGP) وشاملة أى ضرايب مطبّقة.
الاشتراك بيبدأ من لحظة نجاح الدفع، ومدته زى ما هى مكتوبة فى الباقة، وبينتهى تلقائياً بانتهائها.
مافيش تجديد تلقائى: إحنا مابنحفظش بيانات كارتك ومابنخصمش منك تانى من غير ما تدفع بنفسك.
الدفع بيتم من خلال بوابات دفع مرخّصة، وإحنا مابنشوفش بيانات كارتك.
من حقنا نغيّر الأسعار أو الباقات فى أى وقت، والتغيير مابيأثرش على اشتراك شغّال بالفعل.
الاسترجاع بتحكمه سياسة الاسترجاع المنشورة على الموقع، وهى جزء لا يتجزأ من الشروط دى.
5) المحتوى والخدمة
بنضيف ونحدّث ونعدّل الدروس باستمرار، وممكن يتغيّر ترتيبها أو مواعيد نزول الدروس المجدولة.
بنعمل اللى علينا عشان المنصة تفضل شغّالة طول الوقت، لكن ممكن يحصل توقف مؤقت للصيانة أو لأسباب تقنية خارجة عن إرادتنا.
المنصة بتقدّم شرح ومذاكرة، ومابتضمنش درجة ولا نتيجة امتحان معيّنة — النتيجة بتعتمد على مجهودك.
6) سلوك المستخدم
ممنوع تستخدم المنصة فى:
أى محاولة اختراق أو تحميل زايد على السيرفر أو التحايل على قيود الوصول.
كتابة تعليقات أو تقييمات فيها إساءة أو سب أو إعلانات أو روابط خارجية — ومن حقنا نحذف أى تعليق مخالف من غير إنذار.
انتحال شخصية حد تانى أو استخدام بياناته.
7) نظام الدعوة والمحفظة
مكافآت الدعوة بتتحسب على الاشتراكات الحقيقية المدفوعة بس.
أى تلاعب — حسابات وهمية، أو دعوة نفسك، أو اشتراكات بتترجّع بعد صرف المكافأة — بيلغى الرصيد وممكن يوقف الحساب.
رصيد المحفظة مش مبلغ دفعته أنت، وبالتالى مش قابل للاسترجاع كفلوس إلا حسب شروط السحب المعلنة.
8) إيقاف الحساب
من حقنا نوقف أو نلغى أى حساب من غير استرجاع فى حالات: مشاركة الحساب، أو تسجيل المحتوى ونشره، أو التلاعب فى الدفع أو نظام الدعوة، أو الإساءة لفريق العمل أو للطلبة، أو أى مخالفة للشروط دى.
9) تعديل الشروط
ممكن نعدّل الشروط دى فى أى وقت، وتاريخ آخر تحديث مكتوب فوق. استمرارك فى استخدام المنصة بعد التعديل معناه موافقتك عليه.
10) القانون الواجب التطبيق
الشروط دى بيحكمها القانون المصرى، وأى نزاع بينّا بيختص بيه القضاء المصرى المختص.
11) للتواصل
لأى استفسار عن الشروط دى، بيانات التواصل موجودة فى الصفحة دى.
الصفحة دى جزء من الاتفاق بين هنذاكر إعدادي وبينك كمستخدم للمنصة. لو حاجة مش واضحة، ابعتلنا واحنا نوضّحها قبل ما تشترك.